Emma Isa

* * *

Leewsta Isa
Emma
Wan du waut Wichtjet
Waut Besondret, waut Goodet
Saje wullst
Brok diene Stemm
Manchmol meea, machmol weinja
Aus dee Parkinson toonaum
Papa
Dan worde dee Wed noch
Onndietlicha
Noch weinja, emma weinja
Kunn etj die vestone
Oba Papa
Dietlicha aus aules oppe Welt
Soo kloa aus dachet Licht
Gaufst du mie to vestone
Daut du mie goot best
Daut du daut Baste fe mie wellst
Daut du een Voda best
Dee eenen Sehn haft --
Uck mie steit fots daut Wota
Enne Oge
Veschwinjt dee Stemm
Wan etj die soone Sache saj
Papa
Gooda Voda
Leewsta Isa
Diene Leew es jrata aus
Dien Tjarpa
En vel jrata noch
Aus miena...

* * *

Dit Jedicht aun mienen Voda schreef etj aum 11.12.2001, vondoag ver sas Joa, aun mienem Jeburtsdach... Ema heet opp Estnisch Mama, Isa es Papa... Mien Papa es ditjoa jestorwe. Etj nand ahm seea foaken Isa. Dit Jedicht haud etj niemols aufjeschetjt, hab daut escht vondoag wada ute Schuwlod rut jeholt... Daut Lewe es dochwoll daut baste en jefearlichste Jeschentj fe ons Mensche oppe Ed. Nich opp emma, schienboa bloos utjelieht. En nich ut Iesa, wie tjene daut leicht verriete en twei moake...