Wiehnachte

Tschipucha
Nich schlemm
Daut sed'a foaken
En daut meend'a uck jenau soo
Oba hee sed mie vondoag uck
Daut Hee
Dee ons aula goot tjant
Dee aules moake kaun
Mie bewoare woat
Mie aules jewe woat
Waut etj bruck
Daut sed'a
En bruckd doatoo dee Stemm
En dee Leew
Von sienem ellsten Sehn
Tom daut Hoat von sienem jinjsten Sehn
Een bet stella moake
Een bet Sonn jewe
Een bet ennseepe mett Schnee
Een bet speare

* * *



Dise Jetoa funk etj ver een poa Doag gaunz billich em Lidl - en mok mie selwst een Jeschentj ;) Haud se sullt beta enstemme verrem Video-Oppnehme. Dit we daut eschte Jetjlimpa en daut wull etj spontan dokumentere. Eenfach ut Dommheit. Apropos Jeschentje: Vondoag zemorjens laus etj eene Mail von mienem Brooda Hauns ut Australien, mett soone goode Wed... En een poa Menut lota tjlinjad dee Potschtaljon aune Dea en brocht mie een seetet Pakeetje von miene Ma... Daut Lewe haft uck emma een poa Siede, dee soo witt send aus Schnee, soo woam aus Wiehnachte.