Lude Leew

Waut du mett mie deist!
Woo deist du daut!?
Woo scheen mie daut jeit!
Woo scheen!!
Waut opp dise haulfkeputte Welt
Kaun beta senne!?
Deepa
Jrata
Woama
Blifft bloos dee Sonn
Wiels soone Sache send soo
Selde
Dochwoll send wie
Too seea mette Ed vebunge
Nich frie jenuch
Frie
Befriet
Befriet von eene groote Laust
Befriet mett Leew
Leew!
Doo mett mie
Waut du mett mie deist
Doo daut vondoag
En doo et uck morje
En doot et soo
Aus du daut wellst
Dien Hoat en
Mien Hoat
Oppe goode oole Wies
Lud
Soo schwoa en soo langsam en soo lud
Daut een Framda daut nich uthellt
Daut ons Leet noch hundat Joa
En hundat Lenda wieda
Onse Tjinja schmustre lat
Waut deist du!?
Waut deist du mie!?
Waut du mett mie deist
Well uck etj mett die doone
Dit hia es een
Ludet Leet
Een ludet Licht en
Eene gaunz besondre Sort von
Leew

* * *