Montag, 26. November 2007

Noda Voda













* * *

Dien Dach
Mien Dach
Onse Welte send soo wiet
Utnaunda
Vele Kelemeeta, vele Joare
Parkinson en Tjrich en meea
Aus bloos eene framde Welt
Licht tweschen ons
Bridje
Jefft daut bloos en onsem Hoat
Lidje
Mottst du nu
Den gaunzen Dach en etj
Ran busich derche Welt
Lew wie bloos opp
Nobaschauft?
Etj see Lukas, mienen Sehn
En Jan, mien Jinjsta
En etj spea
Daut etj die emma noda kom
Etj kom die noda, Voda
Tolot?
Ooda mott wie beid noch
Tjlienbet wachte?

* * *

Dit Jedicht schreef etj mol aun eenem 9. Septamba ver een poa Joa en eenem Cafe. Etj we unjaweajes, hild aun, drunk eenen Koffe, hield, kunn nich opphere, en schreef dise Wed opp eene Serviette.

Aun janem Septamba-Dach word Papa 80 Joa oolt. Dan lewd hee noch...

Kommentare:

Anonym hat gesagt…

Vondoag aun dem Jeburtsdach von dienem Voda hab etj "toofalich" ditt Jedicht entdatjt en daut haft mie seea jetroffe...
Man haft emma too weenich Tied mett sienem Voda...haud etj uck...
hopentlich see wie onse Vodasch mol em Himmel wada...daut Lewe es soo kort. Nue mott wie dee Tied, dee ons noch jeblewe es, fe onsre Tjinja nutze en nich vebruttsche.

Peter Wiens hat gesagt…

Dankscheen fe dienen Kommentar, gooda Mensch! Jo, onse Tjinja...