1967 - 1997 - 2007

* * *

Dartich Joa en etj foa
Wada wieda
Dee Besoa em Hoat
Woat langsam stella
Aules licht schmock oppjeriemt
En es vebie, etj sie
Aul wada reed
Opp eene aundre Sted mie
To vetjeepe
Driew dit Jeschaft mett
Haulwem Hoat bloos
Haulfjebakt
Nu aul een haulwet Lewe
Dartich Joa en etj foa wada
Een tjlienbet wieda
En auf et Blott es vom
Besoa
Ooda Ies vom kolden Wint - etj
Foa haulf blint en
Sull vleicht mol dee
Fensta Krautze
Weens een Loch
Well seene, woo et utlat
Oppe Gaus -
Woo sie etj bloos
Bett nu jefoare?

* * *

Ver 10 Joa, aum 12.12.1997, Klock 1 denacht, schreef etj dise Wed. Kromd se vondoag rut, wiels etj ditjoa 40 jeworde sie, wiels daut Joa vondoag to Enj jeit, wiels etj mie selwst opp miene Reis en Reise emma wada mettnehm...

Daut Bilt bowe wiest dee Zockafabritj en Lage/Lippe nu em Dezamba 2007. Hia unja es noch een Bilt, waut po puti so jeworde es, aus et es: Den Scheareschnett schonk mie eene Fru em Somma 1990 en Litauen, daut Jedicht besied kaum een poa Joa lota doatoo...

Amazing Grace

Vielleicht, weil heute der 4. Advent ist, vielleicht, weil ich heute so sehr mit Phil Driscoll beschäftigt war, vielleicht aber auch, weil der Text auch mich selbst betrifft: Hab einfach mal Amazing Grace ins Plautdietsche übersetzt...

* * *

Jewaultje Jnod – leet mie nich toch
Mie Schwien haft see jeradt
Etj we gaunz fot, see funk mie doch
Nu woat et wada dach

Kratjt dise Jnod, dee gruld mie enn
En naum dee Angst uck fot
Woo wundaboa dee Jnod kaum nenn
Aus etj escht eenmol jleewd

Jefoa en Kwol en schwoare Tiet
Hab etj aul derchjemoakt
Grods dise Jnod brocht mie soo wiet
En brinjt mie uck nohus

Mien Gott vesprok mie Goodet bloos
Sien Wot lat hope mie
Hee es mien Schutz, hee es mien Loos
Bett aules es vebie

Jo, wan mien Hoat nich meea schleit
Dit Lewe jeit to Enj
Woa etj von Freid en Fred keteit
Doa hinja jane Wenj

Dee Ed woat schmelte boolt aus Schnee
En diesta woat dee Sonn
Doch Gott, dee mie hia roopd, jo, hee
Jehet opp emma mie

* * *

Hab versucht, den Rhythmus wie im Original zu erhalten, so dass es sich auch auf Plautdietsch singen lässt. Die Übersetzung ist stellenweise ziemlich frei gehalten, dafür sind ein paar Reime drin ;-)

Weitere Texte in plautdietscher Sprache sind weiter unten in diesem Amalgam-Blog zu finden, aber auch in meinem Tweebak-Blog...

ALW

* * *

Amalgam
Leew Licht Lewe Lota
Waneea

* * *

Vondoag es dee dredda Advent. Advent es, wan dee Klock aul opp Twalw jeit...