Samstag, 9. Juni 2012

Uthoole






Wan stelle Stund en
Stelle Doag daut groote Wota
Schlope lote
Lat diene Leew mie
Oppjereajcht en wilt en lud
Vebrenne
Vegone
Soo aus daut Wota en dee Darscht
Dem Maun daut Lewe naum
Soo brinjt mie diene Leew
Dem Doot -
See tjwelt
Wan se fehlt
Tjwelt en tjwelt en tjwelt
Grootet Wota
Drejet Launt
Etj kaun en well nich meea
En bruck boolt uck nich meea
Wan stelle Stund en
Stelle Doag daut groote Wota
Schlope lote
Lat diene Leew mie
Oppjereajcht en wilt en lud
Vebrenne en vegone -
Endoont!?
Uthoole!?
Waut schwoat es
Woat boolt wada jreen!?
Noch sie etj hia
Noch een poa Doag, noch
Een poa Stund

* * *