Dienstag, 1. März 2011

Soone Weedoag, soone Leew













Laj die dol, sed hee
Daut we aul lot Nomeddach
Laj die dol, Mejal
En spea dem Owe tweschen ons
Sed hee en see
Wusst srasu, waut hee wull en
Wull daut nich en
Wull daut doch en
Led sich dol
Bie ahm
Bie eare groote Leew -
See haud aul meist vejete
Waut daut es en
Waut doa aules wausse kaun em Hoat en
Uck opp aundre Steda
Wan see doch
Aul eea soont jespeat haud
Soone Weedoag
Kaun een Mensch nich eenfach soo
Bestale
Soone Weedoag lote aules
Waut mol we en waut mol tjemmt
Mank Loft en Lost veschwinje
Vebinje die opp emma
Mett die selwst
Mett dem, waut von die tjemmt
Waut vele Joare lota ver die steit en
Schmustat en
Die onverhoffs aun eenem Mondach
Rede lat
Hiele lat von eene Laust
Dee kaum en woss en wada stell
Veschwung -
Laj die dol, sed hee
Daut we aul lot Nomeddach
Laj die dol, Mejal
En spea dem Owe tweschen ons

* * *

Kommentare:

Anonym hat gesagt…

Verstehe nur einzelne Wörter, der Sinn bleibt mir vernebelt... Du hast schon ne crazy Sprache, Mann! Ich hoffe, das stimmt alles, was du da schreibst ;)

T.

Anonym hat gesagt…

Herkunft

Anonym hat gesagt…

spazieren gehen