Montag, 18. Januar 2010

Endoont!?


* * *

Waut saul etj doone?
Wan linjsch en rajsch dee Welt
Ut eare Hoakes rutscht
Wan daut, waut bowe
Nu opp eenmol unje es

Wem saul etj roope?
Wan linjsch en rajsch dee Lied
Mett Ed en Blood en Angst
Beschafticht send
Mie seene, oba mie nich here

Wea sitt mie hiele?
Wan linjsch en rajsch mien Kopp
Mett Blood en Blott beschmeat
Besied mie licht -
Nu
Es dit uck mie endoont

* * *

Dit Foto mok Erwin Friesen wearent dee Plautdietsch-Studienreis em Feebua 2009 en Belize (Karibik). Tjeena von ons kunn weete, waut t. B. een Joa lota en Haiti pessere wudd...